خلونا نواجهوا الحقيقة اللي بزاف ما يحبوش يسمعوها! ⚠️ حنا ورّثنا أولادنا الإسلام، بصح هل علّمناهم علاش هم مسلمون؟! لقينا والدينا يصلّوا، صلّينا معاهم، يصوموا، صمنا، يقولوا لا إله إلا الله، قلناها… بصح شحال من واحد فينا جلس وتعلّم معنى لا إله إلا الله؟ شحال من واحد فهم التوحيد، وعرف ربّه بأسمائه وصفاته، وتعلّم علاش يعبده وحده، وكيفاش يردّ على الشبهات بالدليل والعلم؟! المصيبة ماشي في أننا ورثنا الدين من والدينا، هذي نعمة، المصيبة أننا نكتفوا بالوراثة وما نطلبوش العلم اللي يثبّت هذا الدين في قلوبنا! تجيه شبهة في مقطع مدته دقيقتين، تهزّ إيمانه اللي عاش بيه عشرين وثلاثين سنة! علاش؟ لأن الشبهة دخ

٢٤ ساعة في اليوم… ⏳ شحال من ساعة فيهم قرّبتي فيها لربي؟ وشحال من ساعة استثمرتيها في حاجة تنفعك في دينك ودنياك؟ وشحال من ساعة راحت في التصفح، والقيل والقال، ومتابعة أخبار الناس؟ نفيقوا ونرقدوا، والأيام تجري، ونحسبوا بلي ما زال الوقت طويل، حتى يفوت العمر ونكتشفوا بلي بزاف من أيامنا راحوا في أمور ما زادتنا لا علمًا، لا عملًا، لا قربًا من الله! أختي، ماشي شرط الإنجاز يكون مشروع كبير ولا نجاح يشوفوه الناس؛ ممكن يكون ورد قرآن ما فرّطتيش فيه، علم شرعي تعلمتيه، صلاة حافظتي عليها في وقتها، كلمة طيبة قلتيها، أو عمل صالح خبّيتيه بينك وبين ربي. قال رسول الله ﷺ: «نِعْمَتَانِ مَغْبُونٌ فِيهِمَا كَثِيرٌ

راه كاين فرق كبير بين امرأة تستعمل مواقع التواصل وتنشر ما ينفع، وبين امرأة ولات تعرض زينتها وتفاصيل حياتها وتستجدي الاهتمام والإعجابات باسم المحتوى! المؤسف اليوم أن الحياء ولى عند بعض النساء عائقًا، والتبرّج ولفت الأنظار ولى يُسمّى ثقة بالنفس، وكلما زاد التفاعل زاد التنازل عن الحشمة والوقار، وكأن قيمة المرأة تُقاس بعدد المشاهدات والإعجابات! قال الشيخ صالح سندي حفظه الله: «الحرب مشتعلة لإماتة حياء المرأة، وغيرة الرجل، فتنبه يا صاحب القلب الحي.. وسل ربك أن يجنبك الفتن». يا أختي، ماشي كل ما يجيب المشاهدات يستحق النشر، وماشي كل ما يصفّق له الناس يرضي ربي. والمرأة ما تحتاجش تكشف زينتها وتلفت أنظ