عَنْ أَنَسِ بْنِ مَالِكٍ رَضِيَ اللَّهُ عَنْهُ، أَنَّ نَبِيَّ اللَّهِ صَلَّى اللَّهُ عَلَيْهِ وَسَلَّمَ قَالَ: ​«لَوْلا أَنْ لا تَدَافَنُوا لَدَعَوْتُ اللَّهَ أَنْ يُسْمِعَكُمْ مِنْ عَذَابِ الْقَبْرِ» ​— رواه مسلم (2868) ከአነስ ኢብኑ ማሊክ (ረዲየላሁ ዐንሁ) እንደተዘገበው፡ የአላህ መልእክተኛ (ﷺ ) እንዲህ ብለዋል፦ ​«እርስ በእርሳችሁ ከመቅበር (እንዳትተዉ) ባልፈራ ኖሮ፣ አላህ የቀብር ቅጣት ድምፅ እንዲያሰማችሁ በለመንኩት ነበር።» አላህ የቀብር ቅጣት ድምፅን ከሰው ልጆች የሰወረው ከታላቅ ምሕረቱና ጸጋው የተነሳ ነው። ሰዎች የሞቱ ዘመዶቻቸውንና ወንድሞቻቸውን የሚደርስባቸውን ስቃይ ቢሰሙ ኖሮ፣ ከሚሰማቸው ከፍተኛ ፍርሃትና ልብ ስብራት የተነሳ መቅበር ይተዉ ነበር። የሞቱ ሰዎችን የስቃይ ድምፅ በቀጥታ መስማት የሰው ልጅ አእምሮና ስነ-ልቦና ሊቋቋመው የሚችለው አይደለም። አላህ ከቀብር ቅጣት ይጠብቀን::

ሱፊያን አሰውሪ (رحمه الله) እንዲህ ይሉ ነበር፦ ﴿إذا عرفتَ نفسَك لم يضرَّكَ ما قيلَ لَكَ،﴾ “አንተ ስለራስህ የምታውቅ ከሆነ፤ ስላንተ የሚባለው የሰዎች ንግግር አይጎዳህም።” [«አልሙኽለሲያት» ሊአቢ ጣኺር አልሙኽለስ (1626)] ❤2

አንድ ሷሊሕ ሰዉ እንዲህ ይላሉ:- «የሰዎች ነገር እጅግ በጣም ይገርማል። ከአካል ሞት ይልቅ የቀልብ ሞት የጠና/የከፋ ሆኖ ሳለ፧ አካሉ ለሞተ ሰዉ ሲያለቅሱ ልቡ ለሞተ (ለጨለመ) ግን አያለቅሱም።» ያ አላህ ከልብ ድርቅና ጠብቀን፤ አንተን አብዝተን እንድናወሳ ወፍቀን። اللهم أحيي قلوبنا وارزقنا الثبات على طاعتك ❤6