Locomotives Reborn by Local Hands - We’re Proud of You! #Rolling_Stock_and_Maintenance_Team #EDR #Connecting_Business

የመደመር እሳቤ በተግባር፤ ሀገራዊ አቅምን የማሰባሰብ፣ የመለወጥና የማላቅ እሳቤ በገላን በሚገኘው የኢትዮ-ጅቡቲ ምድር ባቡር የሮሊንግ ስቶክ (Rolling Stock) ወርክሾፕ በተግባር ሕያው ሆኖ አይተናል። አንድ ወጣት ባለሙያ በራሱ ተነሳሽነት እያጋጠሙ ያሉ ችግሮችን ለመፍታት እና የሮሊንግ ስቶክ ሥራ ሳይቋረጥ እንዲቀጥል ለማስቻል ዓላማውን ለሥራ ባልደረቦቹ አስረድቶ አሳመናቸው። በወርክሾፑ ውስጥ ያሉ ሀብቶችን፣ ባለሙያዎችንና አስፈላጊ ቁሳቁሶችን አሰባስቦ ፉርጎዎችን የምትጎትት፣ በኤሌክትሪክ ኃይል የምትሠራ የመጀመሪያዋን ፉርጎ ጎታች (Rail Car) ሠርቶ አጠናቅቆ አስረክቦናል። ይህችን ፉርጎ ጎታች በአሁኑ የገበያ ዋጋ ብንገዛት ከ450,000 እስከ 500,000 የአሜሪካ ዶላር ያስወጣን ነበር። ይህች ፉርጎ ጎታች በተደመረ አቅም የተሠራች የኢትዮጵያ ልጆች የመጀመሪያ የፈጠራ ውጤት በመሆኗ "መደመር ፉርጎ" ብለን ሰይመናታል። መደመር ቃል ብቻ ሳይሆን፣ አቅማችንን አስተባብረን ስንሠራ የምናመጣው ተጨባጭ ውጤት ነው።

ክቡር ዐብይ አሕመድ (ዶ/ር) የኢፌዴሪ ጠቅላይ ሚኒስትር ሆነው በድጋሚ በመመረጥዎ የኢትዮ-ጅቡቲ ባቡር አክሲዮን ማህበር ከፍተኛ አመራሮችና መላው ሠራተኞች የተሰማንን የላቀ ደስታ እንገልፃለን። የኢትዮጵያን ቀደምት ስልጣኔና ታላቅነት ከሚያስረዱ ተቋማት መካከል አንዱ የሆነው ኢትዮ-ጅቡቲ ባቡር ፤ በባቡር መስመር ግንባታ፣ በሎጂስቲክስ ዘርፍ አፈፃፀምና በወደብ ግንባታ አቅሙ እንዲጎለብት ለማድረግ የተጫወቱትን የላቀ የአመራርነት ሚና በመጪዎቹ ዓመታትም አልቀው እንደሚፈፅሙት ሙሉ እምነታችን የፀና ነው። መልካም የሥራ ዘመን እንዲሆንልዎ ከወዲሁ ልባዊ መልካም ምኞታችንን እንገልፃለን። ኢትዮ-ጅቡቲ ባቡር አ.ማ #ትልቅህዝብ፣#ትልቅሀገር፣#ታላቅርዕይ