紐卡素共同耕種計劃 — 第二期 種出新鮮・食出健康・慳得精明 生活成本愈來愈貴，想食多啲新鮮蔬菜，又想減輕日常買餸嘅開支？不如試下自己種自己食！ 「紐卡素共同耕種計劃」希望為大家提供一個簡單而負擔得起嘅方法，親手種植自己嘅食物。無論你有冇種植經驗，都可以由一個種植床開始，種植自己鍾意食嘅蔬菜、香草及水果。 🌱 你嘅種植床 每位參加者可以使用一個 122cm × 122cm × 18cm 種植床，自由種植自己喜愛嘅蔬菜、香草、水果或其他合適植物。 種植位置夏季日照充足，非常適合種植荷蘭豆、青瓜、南瓜、士多啤梨、茴香、番茄、洋蔥、蒜頭、薄荷、薯仔, 約兩米高的果樹等等。 自己種植食物，可以享受新鮮收成，亦更加清楚自己食嘅食物係點樣種出嚟。善用一個種植床，亦可以幫助減少部分日常購買蔬果嘅開支。 🌳 唔止種嘢 — 免費享用 Community Garden 參加者除咗可以使用自己嘅種植床之外，亦可以免費使用 NEHK Community Garden。 你可以預約花園作休閒或私人活動用途，例如 BBQ、朋友聚會、家庭聚會及小型私人活動等等。一邊種自己嘅食物，一邊亦可以享受戶外綠色空間。 Community Garden 使用須視乎場地供應情況、預約政策及相關場地規則。 💚 NEHK會員第一個種植床免費 🌱 其後每個種植床：£5／年 非會員第一個種植床：£16／

NEHK Community Garden Use 綠色花園場地使用 想搵一個交通方便，又可以親近大自然嘅私人戶外空間？ NEHK Community Garden 距離 West Jesmond Metro Station只需步行約 3 分鐘，方便易到，同時遠離城市繁囂，享受悠閒時光。 無論係燒烤聚會、家庭聚餐、Board Games、野餐，定係想靜靜地休息幾個鐘，我哋嘅花園都係一個理想選擇。 場地特色 🚇 距離 West Jesmond Metro Station 步行約 3 分鐘 🌳 綠樹環繞，環境清幽 🔥 設有燒烤區及營火爐 🪑 戶外休憩座位 🏡 溫室及花園景觀 👥 最多可容納 15 人 🤝 適合私人聚會、社區活動及個人放鬆休憩 場地使用費 為支持社區花園日常保養及設施維護，場地使用需繳付以下使用費： 夏季（上午11時至下午5時） 非會員：£50 協作會員：£20 普通會員：£10 冬季（上午10時至下午2時） 非會員：£25 協作會員：£10 普通會員：£5 📅 所有預約必須最少提前兩星期。 所有使用者均須尊重其他租戶及附近居民，遵守《NEHK 社區花園使用政策》，並於離開前保持場地整潔，愛護花園環境。 立即預約: https://www.nehk.org/gardenuse

英國東北港人會館推出全新會員制度NEHK Introduces a New Three-Tier Membership System 英國東北港人會館（NEHK）現正推出全新會員制度，旨在加強會員參與、支持會館長遠發展，並為有意參與會務及社區活動的人士提供更清晰的加入途徑。 全新會員制度分為 創會會員、普通會員及協作會員。不同會籍代表不同程度的參與、責任及會務投入。 創會會員 創會會員為 NEHK 最高級別的會籍，只限獲邀人士加入。 創會會員肩負守護會館長遠願景、核心價值及章程完整性的責任。除享有普通會員的權利及福利外，創會會員亦會按照 NEHK《組織章程細則》行使權力。 有關權力及責任可包括委任及罷免董事、批准章程修訂、接納新創會會員，以及履行《組織章程細則》所訂明的其他職責。 https://www.nehk.org/foundingmembers 普通會員——年費 £35 普通會員適合希望積極參與 NEHK 管理、成長及發展的人士。 普通會員按照《組織章程細則》享有投票權，並可出席會員大會、發言及投票。普通會員亦會積極推動會館使命、支持社區活動，以及為會館的長遠發展作出貢獻。 普通會員享有協作會員的所有福利，並可按照會館政策、設施名額及預訂安排，免費或以優惠價格使用 NEHK 設施。 普通會員年費為 £35。 https://www.nehk.org/ordinary