👤 كبسو كبسو، غير يطلع اللايف نورولكم الأستاذة واش راهي دير! ممكن للوهلة الأولى أي واحد فينا يشوفها غير لقطة تاع تمسخير بين التلاميذ وتفوت، لكن كي نرجعو للصح ونشوفو واش راه يصرا داخل بعض المؤسسات التربوية، نلقاو بلي الموضوع ولى أكبر من لايف وتمسخير نلقاو تلميذ يصور أستاذتو، واحد يفتح لايف وسط القسم، الثاني يضحك ويتبهلل على الزملاء تاعو، وبعض التصرفات لي مع الأسف توصل حتى لسب الله وبزاف أمور ميكفيش أنو نحكيو عليهم كاملين، وهذا كامل تحت عنوان «أواه التيك توك فيه المستقبل، نخدمو على رواحنا» بصح بيناتنا من وكتاه رجعت خصوصيات غيرنا محتوى نخدمو ونضحكو بيه؟ ووين في المدرسة؟ المؤسسة التربوية قبل

اليوم الجمعة، ريحة الطعام من كل كوزينة خارجة، نبداو نهارنا ببسم الله والصلاة على رسول الله، نضربو فيها الحطة ونهبطو للجامع مع الجيران كأنو عيد وكي تضيق بينا الدنيا ومانلقاوش وين بيها، طريق ربي سبحانه هيا لي تنجينا، نكثرو الاستغفار وندعيو ربي في ساعة الاستجابة بكل يقين الحاجة لي رانا ديما نحوسو عليها، ما تتحقق غير كي نرجعو لربي سبحانه جمعة مباركة للجميع، ربي يتقبل منا ومنكم صالح الاعمال 🌱 #بنيان_جمعة ❤35⚡8

تهبطي للريسطو تاع الإقامة مع صحاباتك في رحبة، ونتوما في لاشان تلقاي جارتك منحية حجابها وقاعدة مع جماعة غريبة وسط الضحك والتمسخير 😶 أيا تبقاي تطلعي وتهبطي، وتقولي بينك وبين روحك «أنا جارتي ناس ملاح، واش بيها دارت هكذا؟» موقف كيما هذا بزاف منا يقدرو يطيحو فيه في الإقامة مع الأسف، وهنا تبدانا الحيرة إذا نتدخلو؟ ولا نسكتو؟ وإذا تدخلنا، كيفاش نتصرفو؟ وعلى هذا الشي جبنالكم 3 قرارات قادر واحد منهم يكون هو التصرف لي تختاروه معاها 👇 1️⃣ نرجع للدار ونروح نخبر والديها باش يعرفو واش صاري ويتصرفو بالطريقة لي يشوفوها مناسبة 2️⃣ نروح نجبدها في بلاصة ونحكي معاها وحدنا، نحاول نفهمها وننصحها ونفكرها علاش